მომხმარებელთა 5 კატეგორია სოციალურ მედიაში

გაგაცნობთ ქცევის მიხედვით მომხმარებელთა 5 კატეგორიას:

მკითხველები

ვინ არიან ისინი: ვისაც სჭირდება ან სურს თქვენს კომპანიასთან დაკავშირებული ინფორმაციის მიღება. წარსულში ამ ხალხს შეიძლება მოეწერათ წერილი ან ტელეფონით დაერეკათ, ახლა კი ისინი სოციალური მედიის საშაულებით მოგმართავენ. მათთვის საჭირო ინფორმაცია შესაძლებელია განთავსებული გქონდეთ საიტზე ან გვერდზე, თუმცა მათ ზედმეტი ნავიგაციის გარეშე სურთ პირდაპირ წყაროზე გასვლა.

როგორ ვეკონტაქტოთ მათ: უპასუხეთ მათ მიერ დასმულ ყველა კითხვას! ეს არის თქვენი შანსი, რომ კარგი შთაბეჭდილება მოახდინოთ პოტენციურ ან არსებულ მომხმარებელზე. შესაძლოა მოგიწიოთ მრავალჯერ ახსნა და უამრავ კითხვაზე პასუხის გაცემა, თუმცა გაითვალისწინეთ, რომ ისინი ,,მკითხველები“ არიან და გადაწყვეტილების მიღებამდე სრულად უნდა ფლობდენ ყველა საჭირო ინფორმაციას.

მომჩივანები

ვინ არიან ისინი: აღნიშნული მომხმარებლებისთვის სოციალური მედია წარმოადგენს პლატფორმას, სადაც შეუძლიათ ლოგიკური თუ ალოგიკური პრეტენზიების გამოთქმა. ისინი ძირითადად ნეგატიურად არიან განწყობილნი და შესაძლოა არანაირი კავშირიც არ ჰქონდეთ თქვენს კომპანიასთან, თუმცა მათი ძირითადი სურვილი ნეგატიური მესიჯების გაზიარებაა.

როგორ ვეკონტაქტოთ მათ: მომჩივანებთან კომუნიკაციისას სასურველია სიფრთხილის გამოჩენა. თუკი მათი პრეტენზია ლეგიტიმურია საჯაროდ აღიარეთ ფაქტი და მოიხადეთ ბოდიში, შემდგომ კი კომუნიკაცია განაგრძეთ პირად საუბარში. თუკი მათი პრეტენზია არალეგიტიმურია უპასუხოდ დატოვებას ნეგატიური შედეგების გამოწვევა შეუძლია, ამიტომაც ერთდროულად მოგიწევთ აუხსნათ, რომ მათი აზრი თქვენთვის მნიშვნელოვანია და შესაბამის მდგომარეობაში აუცილებლად გაითვალისწინებთ.

შემქებლები

ვინ არიან ისინი: ისინი შეიძლება იყვნენ თქვენი ან თქვენი კოლეგების მეგობრები, ოჯახის წევრები, ნაცნობები, ლოიალური მომხმარებლები და უბრალოდ კეთილის მსურველები. ისინი სოციალურ მედიაში თქვენთვის არ იშურებენ კომპლიმენტებს, კეთილ სურვილებს, გაზიარებებს... აღნიშნული საქმიანობით კომპანიის ირგვლივ იქმნება დადებითი იმიჯი და სანდოობა.

როგორ ვეკონტაქტოთ მათ: მადლობა მათ! აუცილებელია გამოხმაურება და პოზიტიური კავშირის დაფასება. ეს ადამიანები თქვენთვის უმნიშვნელოვანს საქმეს აკეთებენ, გითმობენ დროსა და ყურადღებას, იზიარებენ კომპანიის წარმატებას და გეხმარებიან ცნობადობის ამაღლებაში. სწორედ მათი თითოეული სიტყვა არის თქვენი საქმიანობის მთავარი შედეგი და მოტივაციის წყარო.

არავერბალური ჩამრთველები

ვინ არიან ისინი: ისინი აზიარებენ, ალაიქებენ თქვენს პოსტებს ყოველგვარი სიტყვების გარეშე. ამიტომააც ქვიათ არავერბალური ჩამრთველები. ისინი იძლევიან უკუკავშირს ყოველგვარი სიტყვების გარეშე თუმცა კლიკები და გაზიარებები სიტყვების ნაცვლად ლაპარაკობენ.

როგორ ვეკონტაქტოთ მათ: ყურადღება მიაქციეთ, როდესაც თქვენი პოსტი გაზიარებული და მოწონებულია. ხშირად გაზიარებულ პოსტებს ბევრად მეტი ჩართულობა აქვს, ამიტომაც თვალ-ყური ადევნეთ აქტივობას და გაეცით შესაბამისი უკუკავშირი.

მსმენელები

ვინ არიან ისინი: თქვენი მომხმარებლების უმეტესი ნაწილი ამ კატეგორიაში შეიძლება იყოს - ისინი სოციალური მედიის სხვადასხვა არხზე მაყურებლების როლში გვევლინებიან. კითხულობენ, ხედავენ და ესმით თქვენი ყოველი აქტივობა, მაგრამ მათ არ ახასიათებთ სოციალური ჩართულობა. თუმცა ეს იმას არ ნიშნავს, რომ ისინი ჩვენთვის ნაკლებად მნიშვნელოვანი მომხმარებლები არიან. აღნიშნულის მიზეზი სხვადასხვა შეიძლება იყოს. 1. ისინი არასწორად მოხვდნენ თქვენს არხზე და კავშირი არ აქვთ თქვენს ბრენდთან თუ პროდუქციასთან. 2. აღნიშნულ მომენტში ისინი არ არიან პოტენციური მყიდველები, თუმცა სურვილის გაჩენის შემთხვევაში ისინი გახდებიან აქტიურნი.

როგორ ვეკონტაქტოთ მათ: მათთან კომინიკაციისას უმჯობესია პირდაპირ მიმართოთ. წაახალისეთ მსმენელთა აუდიტორიის ეს ნაწილი. სთხოვეთ მათ გააკეთონ კომენტარი თქვენს პროდუქციასა და მომსახურებაზე, გაგიზიარონ თავიანთი მოსაზრება თქვენს ახალ წამოწყებაზე და აქტიურად ჩაერთეთ მათთან დისკუსიაში. შესაძლებელია ყოველ აქტივობაზე არ მიიღოთ მოსალოდნელი პასუხი და ჩართულობა, თუმცა მიიღებთ შედარებით მეტ გამოხმაურებას, რაც დადებითად იმოქმედებს თქვენს ბიზნესზე.

ადამიანები ერთმანეთისგან განსხვავდებიან და სოციალურ მედიაში მათი ქცევაც განსხვავებულია. სოციალური მედიის მენეჯერებს კი კარგად უნდა ესმოდეთ კომუნიკაციის მნიშვნელობა და თითოეულ მომხმარებელთან სწორი კომუნიკაციის ტაქტიკა. ესაუბრეთ მომხარებლებს, დაუფასეთ ყოველი პოზიტიური ჩართულობა და სენსიტიურად მიუდეგით ნეგატიურ უკუკავშირს. ყოველთვის ეცადეთ საკითხის ლოკალურად მოგვარებას და გახსოვდეთ, რომ მომხმარებელი ყოველთვის მართალი არ არის თუმცა, ყოველთვის კმაყოფილი უნდა იყოს! იზრუნეთ მომხმარებლებზე და თავადვე გაოცდებით შედეგით!

უფასო კონსულტაციისთვის კი შეგიძლიათ დაგვიკავშირდეთ შინდის გუნდს.

სტატიის ავტორი: სოფო ქამადაძე