ბლოგი

10 იდეა, რომელიც დაგეხმარებათ გაზარდოთ ჩართულობა Facebook პოსტებზე

საქართველოში ისევე როგორც მსოფლიოში, სოციალური მედია განვითარების ეტაპზეა. თანდათანობით ხდება ტრადიციული მარკეტინგული საშუალებების სოციალური მედიით ჩანაცვლება, რაც თავისთავად მოიცავს სპეციფიკურ მიდგომასა და დამოკიდებულებას მომხმარებლისადმი.

10 იდეა, რომელიც დაგეხმარებათ გაზარდოთ ჩართულობა Facebook პოსტებზე

მსგავსი მასშტაბით სოციალური მედიისადმი დამოკიდებულებამ წარმოქმნა სხვადასხვა სახის პრობლემები, როგორც მომხმარებლებისთვის ასევე მიმწოდებელი კომპანიებისთვის, მარკეტოლოგებისა და სოც. მედია მენეჯერებისთვის.

დღევანდელ ბლოგში ყურადღებას გავამახვილებთ სოციალური მედიის მენეჯერების მიმართ, რომლებისთვისაც ერთ-ერთ მნიშვნელოვან გამოწვევას წარმოადგენს საინტერესო „ქონთენთის“ შექმნა. არ აქვს მნიშვნელობა გამოცდილი ხარ თუ დამწყები სოციალური მედიის ინდუსტრიაში, ნებისმიერ ეტაპზე შეიძლება გაგიჩნდეს შეგრძნება, როცა არ იცი რა დაპოსტო, როგორ შექმნა საინტერესო შინაარსის პოსტი და გამოიწვიო მომხმარებელთა ჩართულობა.

ფაქტი კი არის შემდეგი: Facebook-ის პოსტებში მომხმარებელთა ჩართულობა გაცილებით რთულია ვიდრე ოდესმე, მაგრამ ეს ასევე უფრო მნიშვნელოვანია ვიდრე ოდესმე!

ჩვენ გთავაზoბთ 10 იდეას, იმისთვის, რომ შექმათ საინტერესო შინაარსის მქონე პოსტები და გამოიწვიოთ მეტი ჩართულობა:

1. მოყევით ისტორია თქვენი ბიზნესისა თუ პროდუქტის შესახებ - ის რაც თქვენთვის ემოციური და მნიშვნელოვანია. ხალხს უყვარს და იმახსოვრებს ისტორიებს. მსგავსი შინაარსის პოსტები თუ ვიდეომიმართვები ყოველთვის მეტ ჩართულობას იწვევს, რა თქმა უნდა მაშინ, როცა ის გულწრფელი და რეალურია.

2. განათავსეთ პოსტები სწორად შერჩეულ დროს - გამოიყენეთ Facebook Insights, რათა დაადგინოთ როდის იქნება თქვენი გულშემატკივარი ინტერნეში და ნახავს თქვენს აქტივობას.

3. დაპოსტეთ სცენის მიღმა კადრები - დღეს გამჭვირვალობა არის ის, რაც მომხმარებელს ყველაზე მეტად სჭირდება და აინტერესებს.

4. გამოაქვეყნეთ თქვენი ერთგული მომხმარებლების ფოტოები - დააჯილდოვეთ ისინი ყოველკვირეული ან ყოველთვიური პრიზებით. ეს საუკეთესო გზაა სანდოობის გასაზრდელად. მომხმარებლები უფრო მეტად იქნებიან თქვენი ბიზნესის ერთგული, როდესაც დაინახავენ, რომ ლოიალობა ფასდება.

5. განათავსეთ ტენდენციური თემები - იყავით ტენდენციური და მიმდინარე მოვლენებს აქტიურად ადევნეთ თვალი, რასთან დაკავშირებითაც გექნებათ თქვენი აზრი, პოზიცია ან შეხედულება. თუმცა მხოლოდ გლობალური კუთხით ტენდენციურობა არ იქნება შედეგის მომტანი, თუ თქვენ მომხმარებელს არ აინტერესებს აღნიშნული საკითხები. ამიტომ ამ შემთხვევისთვის გირჩევთ კარგად იცნობდეთ თქვენს მომხმარებელს. რა უყვარს და რა საკითხზე საუბარში გამოგყვება.

6. გააზიარეთ სელფები - ეს იქნება ხელმძღვანელის, დამფუძნებლის თუ რიგითი თანამშრომლის ფოტოები.

7. განათავსეთ "ვირუსული" ფოტო/ვიდეოები - ვირუსული ფოტოები, როგორც წესი მასების მიერ სწრაფად ატაცებადი და გავრცელებადია. მათი პოვნა ინტერნეტში არ გაგიჭირდებათ.

8. გადაწყვეტილების მიღების პროცესში ჩართეთ მომხმარებლები - ჰკითხეთ გულშემატკივრებს რა სურთ, რას ისურვებდენ, რა თემები აინტერესებთ, ამით მათ აზრის მნიშვნელობას წარმოაჩენთ და კარგ ჩართულობასაც მიიღებთ.

9. განათავსეთ ვიდეოები - ვიდეო ყველაზე მოთხოვნადი და ნახვადია Facebook-ზე. აჩვენთ სცენის მიღმა, თქვენ და თქვენი გუნდი, როგორ გამოიყენოთ თქვენი პროდუქტი/მომსახურება, აჩვენეთ თქვენი მხიარული მხარე ან უბრალოდ მიესალმეთ.

10. შექმენით და გააზიარეთ მიმები - მიმები ბოლო დროს ფართოდ გავრცელებული ტენდენციაა, რომლებიც ძირითადად იუმორის სახით გვხვდება და მომხმარებლეთა ფართო მასის ჩართულობასაც იწვევს.


უფასო კონსულტაციისთვის დაგვიკავშირდით შინდის გუნდს.


სტატიის ავტორი: სოფო ქამადაძე

ბლოგი
AI-ს გამოყენების ტრენდები სოციალურ მედიაში (2023-2024)
AI-ს გამოყენების ტრენდები სოციალურ მედიაში (2023-2024)
21 თებერვალი 2024
სრულად ნახვა
7 რჩევა რომელიც დაგეხმარებათ სწორად დაგეგმოთ თქვენი მომავალი ვებ-გვერდი (ინფოგრაფიკი)
7 რჩევა რომელიც დაგეხმარებათ სწორად დაგეგმოთ თქვენი მომავალი ვებ-გვერდი (ინფოგრაფიკი)
28 აპრილი 2021
სრულად ნახვა
თქვენი ბიზნესის ციფრული აქტივობის #1 ამოცანა
თქვენი ბიზნესის ციფრული აქტივობის #1 ამოცანა
30 მარტი 2021
სრულად ნახვა