როგორ შევქმნათ Facebook პოსტების კალენდარი?

კერძოდ საუბარია შემდეგ საკითხებზე:

• როდის უნდა განათავსოთ?
• რა უნდა განათავსოთ?
• სად უნდა განათავსოთ?

იმისათვის, რომ თქვენს ბიზნესზე მორგებული სწორი პასუხები გასცეთ აღნიშნულ კითხვებს, საჭიროა გადახედოთ თქვენი Facebook გვერდის სტატისტიკას იგივე Insights, სადაც უამრავი სახის ინფორმაცია გელოდებათ თქვენი სამიზნე აუდიტორიის შესახებ, მათ შორის:

• რამდენი წვდომა აქვს თქვენს გვერდს კონკრეტულ პერიოდში?
• ჩართულობის რაოდენობა დღეების მიხედვით
• რომელ ღილაკებს აწვებიან მომხმარებლები თქვენს გვერდზე?
• განთავსებული პოსტების დეტალური სტატისტიკა
• როდის არიან ონლაინ თქვენი მომხმარებლები?
• სთორების ანალიტიკა
• გვერდის მომხმარებლების ასაკი, სქესი, საცხოვრებელი ადგილი და ა.შ.

აღნიშნული ინფორმაციის სანახავად უნდა გადახვიდეთ თქვენი ბიზნესის Facebook გვერდზე და დააჭიროთ “Insights”-ს ღილაკს, რომელიც მენიუს ზედა ნაწილშია განთავსებული:

ახალ გვერდზე გაიხსნება სტატიკის მიმოხილვა, რომელიც ბევრ საინტერესო ინფორმაციას შეიცავს. აღნიშნული სტატისტიკის დახმარებით შეგიძლიათ შეაფასოთ რამდენად რელევანტური აუდიტორია გყავთ მოზიდული თქვენს გვერდზე და რამდენად საინტერესოა მათთვის თქვენს მიერ განთავსებული პოსტები.

აქვე აღმოაჩენთ პასუხს ჩვენს პირველ კითხვაზე: როდის უნდა განათავსოთ პოსტი?

ამისათვის, დააჭირეთ მარცხენა მენიუში ღილაკს “Posts”:

მარჯვენა მხარეს გამოჩნდება ინფორმაცია იმის შესახებ თუ როდის არის თქვენი მომხმარებელი ონლაინ კვირის დღეების და საათების მიხედვით. გაითვალისწინეთ, რომ დრო ნაჩვენებია ე.წ. “Pacific Time Zone”-ში, რომელიც თბილისის დროს 11 საათით ჩამორჩება ანუ აღნიშნულ სტატისტიკაში ნაჩვენები დილის 9 საათი ჩვენი დროით საღამოს 8 საათია.

აქვე იპოვით პასუხებს დანარჩენ კითხვებზე, თუ რა ტიპის პოსტები უნდა განათავსოთ და რომელ პლატფორმებზე. პოსტების დეტალური სტატისტიკა შესაძლებლობას გაძლევთ გაანალიზოთ, რომელი ტიპის პოსტებს აქვს უფრო მეტი წვდომა და ჩართულობა, იქნება ეს ფოტო, ვიდეო, ბმული თუ სხვა ტიპის ქონთენთი.

დამატებით შეგიძლიათ დააკვირდეთ და გაანალიზოთ, რომელ პალტფორმაზე უფრო აქტიურია თქვენი სამიზნე აუდიტორია - Facebook, Instagram, Story თუ სხვა.

ეხლა კი დროა დეტალურად გადახედოთ და შეავსოთ პოსტების გეგმის კალენდარი, რომელიც Facebook-მა ოფიციალურად გაგვიზიარა:

მაგალითში ნაჩვენებია შემდეგი ველები:

• პოსტის განთავსების თარიღი: 1 იანვარი
• პოსტის თემატიკა: ახალი პროდუქტი
• პოსტის აღწერა: არაფერია იმაზე სასიამოვნო, ვიდრე ახალი ყვავილების ბუკეტი - მოგვწერეთ აქვე და ჩვენ მოგიტანთ დღესვე!
• ვიზუალი: ყვავილების ვიდეო
• ფორმატი: ვიდეო
• პლატფორმები: Facebook და Instagram გვერდები

სამოქმედო გეგმის შედგენა სოციალური მედია სტარატეგიის შემადგენელი ნაწილია, ამიტომ აუცილებელია წინასწარ გქონდეთ განსაზღვრული რას, სად და როდის გეგმავთ განათავსოთ თქვენს სოციალურ მედია გვერდებზე.

იმედია აღნიშნული კალენდარი დაგეხმარებათ უკეთ დაგეგმოთ თქვენი მომავალი პოსტები და თქვენი სოციალურ მედია კიდევ უფრო მეტი წარმატებით მართოთ!

უფასო კონსულტაციისთვის კი შეგიძლიათ დაგვიკავშირდეთ შინდის გუნდს.